Украинскиот министер за надворешни работи, Дмитро Кулеба, им порача на украинските преговарачи да не јадат, да не пијат ништо додека се на преговори со Русија, затоа што Роман Абрамович наводно е отруен.
– Ги советувам сите што одат на преговори со Руската Федерација да не јадат и да не пијат ништо. И, ако е можно, избегнувајте да допирате каква било површина. Тоа е од прва рака – рекол Кулеба.
Делегацијата е предводена од украинскиот министер за одбрана Олексеј Резников, како и Михајло Подољак, шефот на кабинетот на претседателот. Тие велат дека нивниот главен приоритет е да се обезбеди прекин на огнот, иако не се сигурни дека тоа е можно.
