Косово денеска ја слави 15-годишнината од прогласувањето независност од Србија. По тој повод ќе се одржат бројни настани. Србите од Косово, пак, велат дека од прогласувањето на независноста живеат полошо и дека им се ускратени многу права.
Косово прогласи независност од Србија на 17 февруари 2008 година. На вонредната седница на Собранието на Косово сите 109 присутни пратеници се изјаснија за Декларацијата за независност.
Косово е под управа на Обединетите нации од 1999 година, по НАТО бомбардирањето на Сојузна Република Југославија. Истиот ден, независноста ја признаа Соединетите Американски Држави и некои од најголемите земји во Европа.
Србите од Косово велат дека од прогласувањето на независноста живеат „тажно и жално“ и дека им се ускратени човековите права и слободата.
