Полициски службеници на Државната агенција за истраги и заштита (СИПА) денеска во рамки на меѓународната оперативна акција „банкомат“, на подрачјето на Сараево и Зеница, започнаа претреси на деловни и станбени објекти и движен имот на 13 локации.
Наведените активности се вршат поради постоење основи на сомнение дека се сторени кривичните дела „Организиран криминал“ и „Перење пари“ пропишани со Кривичниот законик на Босна и Херцеговина.
Претресите се вршат по наредба на Судот на Босна и Херцеговина и под надзор на Обвинителството на Босна и Херцеговина во соработка со полициските службеници на Министерството за внатрешни работи на кантонот Сараево и Зеничко-добојскиот кантон.
Наведените активности се резултат на работата на Заедничкиот истражен тим на СИПА и Обвинителството на Босна и Специјалното обвинителство на Република Словенија и Полицијата на Република Словенија, која започна во февруари 2022 година.
Во рамките на оваа меѓународна оперативна акција спроведена од полициски службеници на СИПА на територијата на Босна и Херцеговина, денеска во Република Словенија започнаа претреси на над 70 локации, во рамки на кои е предвидено да бидат лишени од слобода над 50 лица. .
Во тек се активности за собирање податоци за средствата што осомничените ги имаат на нивните банкарски сметки и сефови во кои може да чуваат средства.
Со оглед на тоа што меѓународната оперативна акција „банкомат“ е во тек, за конечниот исход јавноста подоцна ќе биде информирана.
Активностите на Заедничкиот истражен тим беа спроведени со помош на EUROJUST.
