Новак Ѓоковиќ ќе игра на Мастерсот во Монте Карло, а на списокот пријавени се уште тројца српски тенисери. Специјални покани добија Стен Вавринка и Жо-Вилфред Цонга, а очекува да игра и Доминик Тим.
Мастерсите во Монте Карло се на програмата од 10 до 17 април. Организаторите во вторникот го објавија списокот на пријавени тенисери на кој е и Новак Ѓоковиќ. Србинот претходно на својата официјална веб-страница објави дека ќе игра во Кнежеството, бидејќи вакцинацијата против корона вирусот не е задолжителна.
На списокот се и тројца српски тенисери – Филип Краиновиќ, Душан Лајовиќ и Ласло Џере.
Организаторите најавија учество на сите играчи од Топ 10, меѓу кои Рафаел Надал, Данил Медведев, Александар Зверев, како и минатогодишните финалисти Стефанос Циципас и Андреј Рублев.
Се очекува на терените да се врати и Доминик Тим. Можност за враќање ќе има и Стен Вавринка, кој доби специјална покана.
Организаторите обезбедија и посебно место за Жо-Вилфред Цонга.
Како и сите други мастер турнири, ќе можете да го следите Монте Карло со Спортскиот клуб.
