Губењето вишок килограми никогаш не е лесна задача, особено ако правиме одредени работи кои постојано го саботираат нашето слабеење.
Имено, како што објаснуваат диететичарите, една вообичаена навика кога јадеме би можела да ја саботира нашата цел да ги ослободиме насобраните килограми. Тие тврдат дека проблемот лежи во консумирањето на протеини, или во нивниот недостаток во нашата исхрана, пишува Индекс.
Бројни студии на оваа тема покажаа дека протеинот е еден од најважните хранливи материи кои придонесуваат за слабеење. Имено, протеините ќе не направат сити и на тој начин нема да чувствуваме желба за јаглехидрати и шеќер, а ќе внесуваме и помалку калории.
Како што додаваат експертите, идеално решение е да појадуваме комплетен појадок богат со протеини бидејќи ќе бидеме помалку гладни во текот на денот, што ќе ни помогне да го спречиме непотребното и често несвесно прејадување.
