Двете лица кои попладнево беа ранети во селото Драјковце, општина Штрпце, се единаесетгодишно момче и 31-годишен маж, кои се хоспитализирани и се надвор од животна опасност, соопшти косовската полиција.
Штрпце е населено со мнозинско српско население.
Во двајцата било пукано од автомобил кој се движел од Штрпце во правец на Урошевац од веќе уапсениот 33-годишен маж со иницијали А.К, кој е префрлен во регионалната полициска станица во Урошевац, а полицијата соопшти дека бил пронајден и пиштолот од кој било пукано.
„И на православната света ноќ Србите во Косово не се безбедни. Најостро го осудувам ова грозоморно злосторство и барам од меѓународната заедница веднаш да реагира и да ги изведе виновниците пред лицето на правдата. Ова е уште еден во низата страшни инциденти кои ја покажуваат сериозноста на условите во кои секојдневно живеат Србите на Косово и Метохија“, напиша српската премиерка Ана Брнабиќ на Твитер.
Таа го означи Косово со хаштагот „последното европско гето“.
