Според независната американска лабораторија Valisure, високи нивоа на хемикалијата бензен што предизвикува рак се откриени во некои производи за акни од брендови како што се Estee Lauder’s, Clinique’s и Target’s.
Лабораторијата во Њу Хевен, Конектикат, исто така, поднела петиција до американската Администрација за храна и лекови, барајќи од регулаторот да ги повлече производите, да спроведе истрага и да ги ревидира индустриските упатства, пренесува Ројтерс.
Бензенот, кој веќе е пронајден во одредени креми за сончање и суви шампони, би можел да се формира на „неприфатливо високи нивоа“ и во производите за третман на акни со бензоил пероксид што се издаваат на рецепт и без рецепт, рече Валисур.
Акциите на Estee Lauder паднаа за 3 отсто по извештајот.
Таргет и Есте Лаудер не одговорија на барањето на Ројтерс за коментар.
Високи нивоа на бензен беа откриени не само во тестираните производи против акни, туку и во воздухот околу инкубираните производи, што укажува дека канцерогената супстанција може да истече од некои пакувања, што претставува потенцијален ризик од вдишување, соопшти лабораторијата Валисур.
