More

    Авиокомпаниите на германската групација Луфтханза ќе ги зголемат цените на билетите поради повисоките трошоци по воведувањето на еколошката такса од страна на Европската комисија за користење на фосилно гориво

    spot_img

    Авиокомпаниите на германската групација Луфтханза ќе ги зголемат цените на билетите  поради повисоките трошоци по воведувањето на еколошката такса од страна на Европската комисија за користење на фосилно гориво. Зависно од релацијата цените на билетите  ќе пораснат од 1 до 72 евра на сите летови кои полетуваат од земјите на ЕУ, Велика Британија, Норвешка и Швајцарија, соопшти авиокомпанијата.

    Ова ќе ги погоди и македонските патници кои летаат со оваа авиокомпанија од Скопје за Франкфурт. Линијата беше воведена лани.

    „Групацијата нема да може да ги поднесе зголемените дополнителни трошоци кои произлегуваат од регулаторните барања во наредните години. Надоместокот за трошоци за заштита на животната средина ќе покрие дел од повисоките трошоци во 2025 година“, соопшти Луфтханза.

    Доплатата се однесува на резервираните карти од 26 јуни со поаѓање од европските земји.

    Луфханза наведува дека трошоците се однесуваат на обврската наметната од ЕУ да се користи одржливо воздухопловно гориво (SAF), кое се добива од биомаса и ги намалува емисиите на јаглерод диоксид.

    Според податоците на Групацијата Луфтханза, SAF моментално чини 3 до 5 пати повеќе од керозинот добиен од фосилно гориво, додека PtL – вид одржливо гориво – е до 10 пати поскап.

    Ваквата разлика на трошоците за гориво, наведуваат авиокомпаниите ќе доведе до тоа цените на билетите на европските авиопревозници да бидат неспоредливо поскапи во споредба со авиокомпаниите кои не се членки на ЕУ.

    Покрај групацијата Луфханза  и Ер Франс-КЛМ воведе еколошка такса почнувајќи од 2022 година кога ги зголеми цените на билетите за 12 евра.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img