Германската полиција уапсила десетици луѓе ширум земјата, како дел од истрагата против италијанската мафија Ндрангета, соопшти германското обвинителство и полицијата.Полицијата уапси четири лица во Баварија, 15 во Северна Рајна-Вестфалија и десет во Рајнланд-Пфалц.
Запленети се значителни докази од десетици локации, вклучително и домови и канцеларии.
Осомничените се товарат за перење пари, даночно затајување, проневера и шверц на дрога, се вели во соопштението на повеќе обвинителства.
Акцијата е спроведена како дел од заедничката истрага на полициите на Германија, Белгија, Франција, Италија, Португалија и Шпанија, како и Европол и Европравда.
