Аудио платформата Спотифај (Spotify) објави дека ќе отпушти шест отсто од својата работна сила, околу 600 работници, како дел од реструктуирањето на компанијата.
Платформата го појасни овој потег како потреба за ограничување на распространетото вработување предизвикано од пандемијата и е во согласност со слични мерки преземени од други технолошки фирми како Гугл и Мајкрософт.
Извршниот директор на платформата Даниел Ек изјави дека промените се дел од напорите да се ограничат трошоците и да станат поефикасни за време на „попредизвикувачки“ економско опкружување.
-Во ретроспектива, бев премногу амбициозен во инвестирањето пред нашиот раст на приходите – рече тој.
Акциите на Спотифај паднаа за повеќе од 70% од нивниот врв пред пандемијата, вреднувајќи ја најголемата светска компанија за стриминг на музика на помалку од 19 милијарди долари.
