21 кинески авион, вклучително и рекордни 18 бомбардери Х-6 со нуклеарни способности, влегле во зоната на противвоздушна одбрана на Тајван во изминатите 24 часа, соопшти денеска тајванското Министерство за одбрана.
Тајванската идентификациона зона за воздушна одбрана (ADIZ) е поголема од воздушниот простор на Тајван. Вклучува и дел од кинеската идентификациона зона за воздушна одбрана и дел од копното.
Кина значително ги зголеми упадите на авиони во југозападниот дел од областа во текот на изминатите две години, но ова е досега најголемиот еднодневен упад на бомбардери H-6 откако Тајпеј почна да објавува такви податоци во септември 2020 година.
Масовниот прилив на бомбардери доаѓа откако Кина минатата недела воведе нови забрани за увоз на тајванска храна, пијалоци, алкохол и производи од риба. Тајванскиот премиер Су Чи го обвини Пекинг за кршење на меѓународните трговски правила и дискриминација.
Бомбардерот H-6 е главниот кинески бомбардер со долг дострел, но може да носи и нуклеарни боеви глави.
Кина ретко испраќа повеќе од пет бомбардери Х-6 во зоната за воздушна одбрана на Тајван во еден ден, но во последните недели има нагло зголемување на нивните влезови. Во ноември 21 од овие бомбардери ја прелетаа областа, а во декември вкупно 23.
Дваесет и трите милиони жители на Тајван живеат под постојана закана од инвазија на Пекинг, кој го гледа островот како дел од својата територија.
