Спасувачите сè уште ги пребаруваат урнатините во Часив Јар, Доњецк, источна Украина, каде некогаш се наоѓала зграда со пет ката. Зградата беше урната од руски напад во саботата вечерта, а бројот на загинати се искачи на 33 лица.
На социјалните мрежи се појави видео на кое се гледа како спасувачите извлекуваат маж од урнатините. Човекот преживеа два дена под куп урнатини и бетон, јавува Нова.
Спасувачите веднаш го покриле и го ставиле на носилка за да го однесат до најблиската болница и да му пружат помош. Остатокот од видеото ја прикажува областа каде се случи рускиот напад. Сè е уништено, а додека спасувачите ја пребаруваат областа по преживеаните, луѓето со тага во очите ја гледаат сцената.
Пожарникарите се движат камен по камен, а во потрагата на теренот е вклучена и тешка механизација.
Становите во близина на урнатата зграда се оштетени и повеќе не се погодни за живеење. И покрај опасноста од враќањето на местата, луѓето сè уште влегуваат во нивните куќи во обид да извлечат барем дел од своите работи.
