Независниот Синдикат на управата за водење на матични книги утре во периодот од 14 до 17 часот ќе реализира протестен марш поради поради молкот од управата и Министерството за правда.
Маршот ќе се одвива на релација Градска болница – Собрание – Министерството за правда.
-Со овој протест ќе се обидеме преку блокирање на дел од булеварите на централното градско подрачје да го блокираме излезот на вработените во самото Министерство за правда, но и на министерот за правда да го попречиме во заминувањето кон дома после завршувањето на работното време – велат од Синдикатот.
Претсетдателот на Управата за матични книги Тони Милошевски пред Министерство за правда ќе ги образложи причините за штрајкот.
Независниот Синдикат на управата за водење на матични книги бара потпишување колективен договор и унапредување на вработените.
