Првата дама на САД обвини службеник од тамошното Министерството за правда го искористил фактот што претседателот Џо Бајден не се сетил на датумот на смртта на својот син Бо како дел од политичка кампања, јави Фокс Њуз. Таа на службеникот Роберт Хур му го напишала следново:
„На сите починати треба да им дадеме благослов и не можам да замислам дека некој ќе се обиде да ја искористи смртта на нашиот син за да освои политички поени. Ако сте доживеале таква загуба, знаете дека не ја мерите со години – ја мерите во тага“, се вели во е-мејлот на првата дама и се додава:
„Верувајте ми, како и секој што изгубил дете, Бо (Бајден) и неговата смрт никогаш не го напуштаат.
Синот на Бајден, Бо, почина од тумор на мозокот во 2015 година, а неговата смрт беше главната причина што Бајден ја наведе за изборот да не се кандидира за претседател во 2016 година.
– Триесетти мај е ден засекогаш врежан во нашите срца. Тоа ме растури, го растури нашето семејство… Она што ми помогна и што му помогна на Џо беше да најдам цел – рече Џил за смртта на Бо.
Службеникот Роберт Хур во својот неодамнешен извештај го обвини претседателот дека во неколку последователни интервјуа не се сеќавал на деталите за Бо и дека тоа е пример за неговото „магливо“ сеќавање.
„Во неговото интервју со нашата канцеларија, сеќавањето на г-дин Бајден беше полошо. Тој не се сеќаваше кога беше потпретседател , заборави на првиот ден од интервјуто кога му заврши мандатот и заборави на вториот ден од интервјуто кога започна неговиот мандат“, се вели во извештајот.
Запрашан во врска со ова Џо Бајден на прес-конференција во Белата куќа изјави:
– Јас сум добронамерен. И јас сум постар човек. И знам што по ѓаволите правам.
Неколку моменти подоцна, тој погрешно го идентификуваше египетскиот претседател Абдел Фатах ел-Сиси како „претседател на Мексико“.
