Во четвртокот, во пограничните региони на австриска Корушка, локалната полиција постапила со два случаи на шверц на луѓе без соодветни документи. Вкупно привеле три лица кои нелегално превезувале 14 лица.
Во Корушка, Австрија, во два одвоени случаи, полициски службеници запреле автомобил во близина на границата со Словенија поради сомнение за шверц. Притоа привеле три лица и откриле 14 лица кои наводно биле шверцувани, соопшти денеска австриската полиција.
Полицијата во четвртокот вечерта запрела возило со полска регистрација во општина Железна Капла, а притоа, покрај полскиот возач и нејзиниот партнер, на задните седишта и во багажникот открила девет лица кои немале документи со нив. Нивното државјанство се уште се утврдува. Полскиот пар е приведен.
Малку подоцна автомобил со чешка регистрација, управуван од 30-годишен Украинец, бил запрен на контролен пункт на австриската страна од тунелот Караванке. Во возилото имало пет сириски државјани кои со себе ги немале соодветните патни исправи. Возачот е приведен, а сите пет Сиријци поднеле барање за азил.
