Фудбалскиот сојуз на Саудиска Арабија започна преговори со УЕФА за да имаат свој претставник во европската Лига на шампионите од сезоната 2025/2026.
Како што пренесува порталот „Calcio e Finanza“, целта е шампионот на Саудиска Арабија преку „вајлд-карта“ да добие право на настап во најсилното европско натпреварување кога ќе почне новиот формат на Лигата на шампионите.
Од сезоната 2025/2026 повеќе ќе нема групи во ЛШ, туку во ова натпреварување ќе играат 36 клубови, кои ќе формираат единствена табела, а секој тим ќе одигра осум натпревари – четири дома и четири на гости – во период од десет недели.
Осум екипи ќе одат директно во осминафиналето, за другите осум места ќе разигруваат екипите пласирани од 9 до 24 место на табелата, додека последните осум ќе испаднат.
Тимовите од Саудиска Арабија веќе играат во Азиската Лига на шампиони и Арапската Лига на шампиони.
