Украинскиот претседател Володимир Зеленски изјави дека руска наведувана ракета погодила центар за трансфузија на крв во градот Купјанск во источниот регион Харков доцна во саботата.
„Има мртви и повредени“, рече тој на својот канал Телеграм.
Ројтерс не беше веднаш во можност да ги потврди наводите.
„Ова воено злосторство кажува сè за руската агресија. Ѕверови кои уништуваат се што ни овозможува да живееме“, нагласи тој.
Зеленски додаде дека службите се обидуваат да го изгаснат пожарот на местото на нападот. Тој не кажа колку се мртви или ранети.
Украинскиот претседател претходно истиот ден објави дека Русија во саботата повторно истрелала проектили кон Украина.
Воздушни напади звучеа низ целата земја, а цел на Русите беше фабриката Мотор Сич во Запорожје, рече Зеленски. Тој не кажа дали е оштетена фабриката која произведува делови за авиони и хеликоптери.
Тој рече дека е погоден и регионот Хмелницки, но не даде дополнителни детали.
„Некои од проектилите беа соборени. Благодарение на нашите ловци за противвоздушна одбрана“, рече тој.
Бројот на напади се зголеми на двете страни откако Москва се повлече од договорот постигнат со посредство на ОН во средината на јули, кој дозволи извоз на украинско жито.
