Жена од Тексас е пронајдена жива во возило кое било откриено потопено во езеро, два дена откако била пријавена за исчезната.
Полициската управа Лонгвју, Тексас ја пријави жената за исчезната на 5 април, се вели во соопштението од канцеларијата на локалниот шериф објавено на Фејсбук.
На 7 април, локален рибар забележал црн џип речиси целосно потопен и ги повикал локалните власти.
„Рибарот пријавил дека забележал црн џип потопен на приближно 40 метри од рампата за бродови во кампот Вуди“, се вели во соопштението на Канцеларијата на шерифот на округот Мерион.
На фотографиите кои ги објави шерифот на округот Мерион, се гледа само покривот на џипот, пишува Гардијан.
Локалните власти пристигнале на местото на настанот со спасувачка екипа и успеале да го извлечат џипот. Но додека полицијата го извлекувала автомобилот од водата, било забележано дека некој има внатре и се движи.
Тоа беше жената која исчезна два дена претходно!
„Со помош на органите на редот и замениците на шерифот на округот Марион, жената е безбедно спасена од потопениот џип“, потврдија од канцеларијата на шерифот на округот Мерион.
Властите подоцна утврдиле дека жената пронајдена во џипот е истата жена која била пријавена за исчезната.
Корисниците на социјалните мрежи веднаш го објавија ова неверојатно спасување.
„Господ работи на овој Велики петок“, напиша еден корисник, поврзувајќи го настанот со големиот празник кој се празнува два дена пред Велигден, во спомен на распнувањето на Исус.
„Мило ми е што рибарот го забележал возилото. Се надевам дека се ќе биде добро“, коментира еден корисник.
Лекарите од Итната помош на лице место и укажале помош на жената пред да биде префрлена во болница на понатамошно лекување.
