Македонија била и е бугарска, а Северна Македонија е друго – тоа е заслуга на Тито, напиша на Фејсбук бугарскиот европратеник Ангел Џамбаски откако вчера претседателот Стево Пендаровски соопшти дека за него и за други бугарски државјани ќе побара од Владата забрана за влез во државата.
Забраната, вели Џамбаски, нема да ја избрише вистината дека Македонија била и е бугарска.
„Македонија била и е бугарска! Северна Македонија е друга работа, заслугата за Северна Македонија е на Тито. Со забрани за влез во државата нема да ја избришете вистината!“, напиша Џамбаски.
