Деветкратниот победник на Австралија опен, Новак Ѓоковиќ, им изјави на новинарите дека нема загриженост бидејќи двапати го откажал тренингот во Мелбурн, за да го направи во понеделник подоцна.
“Ви благодарам што дојдовте. Се е ок, се гледаме на мечот“, беше кратка и јасна порака до новинарите кои го следеа неговиот тренинг, во делот од комплексот кој е затворен за навивачи.
Ѓоковиќ неодамна имаше проблем со повреда на тетивата, поради што не тренираше во неделата. Ден подоцна, и ден пред првиот меч на првиот Грен слем сезонава, го откажа тренингот кој беше закажан за 19 часот по локално време, за да го направи нешто подоцна. Во таа прилика тренираше со спаринг партнерот Карлос Гомеш.
Натпреварувањето на Ѓоковиќ во Мелбурн започнува во вторник околу 11 часот по наше време, кога противник ќе му биде Шпанецот Роберто Карбалес Баена.