Филип Хрговиќ на 7 мај во Лас Вегас ќе се бори со Кинезот Џанг Жилеи, објавено е во средата на веб порталот Boxingscene.
Победникот на натпреварот ќе биде задолжителниот предизвикувач на ИБФ за украинскиот шампион во тешка категорија Олександр Усик.
На крајот на минатата година Хрговиќ ја забележа 14-та победа во исто толку борби, додека 38-годишниот Кинез Џанг има 23 победи и едно реми во 24 професионални борби. Последната победа ја постигна во ноември минатата година.
