На принцот Хари и неговиот вујко, принцот Ендру, наводно не им било дозволено да го поздравуваат ковчегот во кој се наоѓа кралицата Елизабета Втора кога тој ја напуштил Вестминстерската опатија во понеделникот, објавија британските медиуми. Дозволено им било да ја поздрават само како неактивни членови на кралското семејство. Грбот на Хари останал до ковчегот, кога другите отпоздравувале, пренесува Мондо.
Една од очигледните работи кои ова го потврдуваат е дека Хари не смееше да ја носи својата воена униформа, привилегија резервирана за „активните“ членови на кралското семејство.
Според извештајот на британски Телеграф, Хари и Меган не биле поканети на приемот што го приредиле кралот Чарлс III и кралицата Консорт Камила за светските лидери и странските кралски членови. Сепак, според порталот Пејџ Сикс, неименуван извор близок до кралското семејство открил дека Хари и Меган всушност добиле покана и дека никој не им кажал дека се непоканети.
Но, друг извор за весникот изјави:
– Ми рекоа дека дознале дека не биле поканети само со тоа што ги прочитале весниците.
