Францускиот гасен оператор„ГРТгас“ откри дека Франција повеќе не добива гас од Русија од Германијa.
„Испораката беше прекината на 15 јуни“, соопшти компанијата.
Компанијата уверува дека Франција нема да има потешкотии да ги задоволи потребите на потрошувачите во текот на летото, истакнувајќи дека протокот на гас од Шпанија е зголемен, пренесува Teletrader.
Сегашното ниво на складирање на гас во Франција е 56 отсто, во споредба со вообичаените 50 отсто во истиот период од годината.
„Сепак, правилното полнење на француските магацини во пресрет на следната зима мора да остане приоритет за сите шпедитери и засегнати страни“, додаваат од „ГРТгас“.
