Хакерска група поврзана со Северна Кореја е одговорна за кражба на 620 милиони долари во криптовалути по хакирањето на видео игрите Axie Infinity кон крајот на март, соопшти американското Федерално биро за истраги (ФБИ).
„Истрагата потврди дека групата Лазарус и APT38, онлајн актери поврзани со Северна Кореја, се одговорни за кражба на 620 милиони долари на платформата за криптовалути Ethereum“, се вели во соопштението на ФБИ.
Кражбата била пријавена на 29 март.
Тогаш мрежата Ronin, која ја користеа корисниците на популарната онлајн игра Axie Infinity, беше цел на хакери.
