Руските сили започнаа голема офанзива во областа Доњецк во источна Украина, соопшти украинскиот Генералштаб во извештајот во петокот наутро.
„Непријателот спроведува офанзивна операција во правец на Бахмут и Авдивка во областа Доњецк“, се наведува во извештајот.
„Целта на притисокот е да се позиционираат руските сили да ги нападнат Соледар и Бахмут и да ја прошират руската контрола западно од градот Доњецк“, се додава.
Соледар и Бахмут се дел од одбранбената линија источно од големите градови Словјанска и Краматорска, каде пред војната живееле повеќе од половина милион луѓе.
Тоа е последниот регион кој сè уште е под контрола на украинските сили во поширокиот источен регион Донбас.
Во извештајот на Генералштабот се наведува дека нападот на руските сили кај Бахмут бил неуспешен и дека борбите продолжуваат на приодите кон Авдивки, северно од градот Доњецк.
Извештајот не може да биде независно потврден, но е во согласност со претходните извештаи за зголемени борби во регионот по кратко затишје.
