Украинската влада вчера објави дека сите руски средства во нацијата ќе бидат запленети и искористени за да се помогне во обновата на она што е уништено во војната, пишува Њузвик. Според премиерот Денис Шмихал, сѐ што Русија поседува во Украина ќе биде префрлено на Националниот инвестициски фонд на земјата и ќе се смета за државна сопственост.
– Ќе одземеме сè што Русија поседува во Украина и ќе ги насочиме овие средства во зајакнување на армијата, поддршка на народот и обнова на нашата земја – рече Шмихал во вторникот, според Украинската национална новинска агенција.
Идејата дека 600 милијарди долари запленети од санкциите на Западот према Русија би биле доволни да се поправи штетата во Украина, која се проценува на слична сума, беше презентирана претходно месецов.
– Русија ќе мора да плати репарации. Ние тоа јасно го знаеме. Тие самите уништија сѐ – рече Зеленски на Самитот на Советот на извршниот директор на Волстрит журнал 2022 година.
Портпаролот на Обединетите нации во вторникот изјави дека над 7.000 украински цивили досега се убиени во војната. Русија, исто така, претрпе значителни воени загуби. Украина соопшти дека нејзините борци убиле најмалку 12 од највисоките генерали во земјата , а над 20.000 војници наводно се убиени.
Минатата недела Њузви објави дека Русија троши околу 900 милиони долари дневно за финансирање на борбите. Меѓу другото, тие пари вклучуваат плаќање за руските војници, обезбедување муниција, куршуми и ракети, како и трошоците за поправка на изгубена или оштетена воена опрема.
– Путин се клади на тоа дека ние ќе изгубиме интерес за Украина – рече американскиот претседател Џо Бајден кон крајот на минатиот месец.
– Тој се обложува дека нашето западно единство ќе пукне. Тој сè уште се обложува на тоа и уште еднаш ќе му докажеме дека не е во право – додаде Бајден.
