„Освен ако не сакаат непријатно топол летен одмор, ги советуваме нашите ценети руски гости да не го посетуваат украинскиот Крим. Бидејќи никакво количество крема за сончање нема да ги заштити од штетните ефекти на пушењето во нелегални простории“, го објави украинското Министерство за одбрана со видеото со кое ги исмева руските туристи кои бегаат од Крим.
Клипот објавен на официјалниот Твитер профил на министерството започнува со зборовите:
„Имавте неколку опции летово“.
Потоа следи препознатливата панорама на плажата Palm Jumeirah во Дубаи, потоа воздушна снимка од плажата во турското одморалиште Анаталија и снимка од плажите од Куба, а потоа следи натписот: „Го избравте Крим. Голема грешка”.
Идиличните сцени на плажите веројатно не се случајно избрани, туку се суптилна порака, со оглед на тоа што станува збор за земји кои не воведоа санкции кон Русија поради инвазијата на Украина.
„Време е да си одите дома“
Веќе следи многу подиректна порака со следните снимки на кои се гледа експлозија и огромен облак чад преземен од руски туристи од плажата – „Време е да си одите дома“.
Потоа следи изјавата на една од Русинките која со своето семејство била во колоната автомобили кои се обидувале да го напуштат Крим по експлозијата. На видеото кое пред два дена стана вирално на социјалните мрежи, расплакана жена вели дека не сака да го напушти Крим, бидејќи и е „кул овде“.
Клипот завршува со зборовите: „Крим е Украина“.
Потсетуваме дека по експлозијата во воздухопловната база Новофедоровик на Крим, руските туристи почнаа да бегаат од полуостровот што Русија го анектираше во 2014 година. Немаше војна на Крим до гореспоменатата експлозија, ниту е забележан сличен случај од 24 февруари 2022 година, кога руски тенкови влегоа на украинска територија.
Не е јасно кој стои зад нападот, па дури и дали навистина е напад
Руската страна тврди дека се случила експлозија во магацин за оружје, а самата Украина негираше дека стои зад нападот, според зборовите на советникот на украинскиот претседател, Михаило Подољак, кој ги праша новинарите: „Што имаме ние со тоа?“.
Сепак, медиумите сѐ уште шпекулираат дали се работи за цел напад извршен од украинската армија со американски ракети ХИМАРС. Сателитските снимки објавени денеска од „Planet Lab“ го поттикнаа тој сомнеж.
Видеата откриваат дека се уништени девет авиони, а како што се наведува, може да укаже на можноста за целен напад.
Најмалку едно лице загина во нападот на Крим, а 13 се ранети. Материјалната штета не е позната.
