More

    Трамп му фаќа сеир на Бајден

    spot_img

    Поранешниот американски претседател Доналд Трамп го коментираше фактот дека сегашниот претседател на САД, Џо Бајден седел во 14 ред на погребот на кралицата Елизабета Втора, наведувајќи дека бил опкружен со лидери на „земји од третиот свет”.

    На погребот на кралицата во Вестминстерската опатија, Џо Бајден седеше во 14 ред, седмиот ред одзади. По тој повод Трамп на својата социјална мрежа „Трут сошл” (Truth Social) објави фотографија со црвена стрелка кон Бајден. Трамп нагласи и дека кога сè уште би бил претседател ќе седел во првите редови, и дека сегашниот распоред на седиштата е показател за рејтингот на САД, кој, според него, е намален откако Бајден е претседател.

    -Да бев јас претседател, ќе ме ставеа на прво место. Ова ѝ се случува на Америка за само две кратки години. Нема почит! – напиша Трамп.

    Според протоколот, претставниците на земјите од Комонвелтот се поставени пред останатите шефови на држави. САД не е во подрачјето на британскиот Комонвелт. Така, на пример, канадскиот премиер Џастин Трудо се најде девет реда пред американскиот претседател.

    – Ова е добра можност актуелниот претседател подобро да се запознае со некои лидери на земји од третиот свет. Во недвижностите, како и во политиката и животот, местото е сè! – вели Трамп.

    Џо Бајден и првата дама Џил седнаа до претседателот на Швајцарија, пред нив беше претседателот на Полска, а зад нив премиерот на Чешка. Кинескиот претставник беше во ист ред со Бајден.

    Не е јасно на кого конкретно мисли Трамп со изразот „лидери на земји од третиот свет”.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img