Трагедија во Барселона: Ѕвезда во подем пронајдена мртва во ноќен клуб
Трагична вест утрово го потресе спортскиот свет.
Лијам Хемпсон, рагби ѕвезда од Австралија, исчезна во Шпанија каде што престојуваше со Еј Џеј Бримсон, Џордан Рики и Џеси Артарс.
Исчезнувањето на Хемпсон Бримсон јавно го објави на социјалните мрежи и објави дека никој не го видел од 04:30 часот наутро. Тогаш последен пат е виден на подиумот за танцување во ноќниот клуб „Сала Аполо“.
По 30 часа потрага бил пронајден мртов во тој клуб. Имаше само 24 години.
„Утринава персоналот од ноќниот клуб каде Лијам последен пат бил виден пронашол безживотно тело во близина на ноќниот клуб Сала Аполо“, се вели во полицискиот извештај.
„Мундо Депортиво“ објави дека постои сомневање дека починал по пад од 10 метри височина.
„Ние сме уништени од веста дека Лиам доживеа несреќа и за жал не преживеа. Нашите срца се скршени и зборовите не можат да ја изразат нашата тага. Тој беше сакан син, брат, внук, вујко и пријател“, објави таткото на Хемпсон, Брет.
