Долгонајавуваната песна на Тони Зен ја здогледа светлината на денот. „Клубот“ е новото музичко парче што треба да се слушне.
Вчера во „Cineplexx Skopje City Mall“, во присуство на семејството, најблиските пријатели и соработници, се одржа промоцијата на новото музичко парче на Тони Зен, кое наиде на воодушевување кај публиката, а и тој нескриено ја искажа радоста.
– Целата приказна започна со Иле, па продолжи со Ики и Нино. Со истите луѓе се соработува постојано, се менува само мал дел, во зависност од проектот. За ова музичко парче ми помогнаа млади луѓе кои верувам дека ќе го движат светот напред. Ми беше предизвик да работам со нив. Респект за сите што сте вечерва присутни, многу ми значевте во овој тежок период – изјави Тони Зен.
Во време на рецесија и светска криза, факт е дека најдобро поминуваат песните од реалниот живот, „Клубот“ е токму таква, моќна и енергирчна, онаква каква што неговите фанови впрочем и очекуваат од него.
