Не е само македонската земја на удар во видеата на бугарскиот европратеник Ангел Џамбаски кој тври дека Македонија, па и Голо Брдо сосе Егејот се бугарска земја. Слично такво видео, во кое се рецитираат стихови објави Кирил Стремусов, руски функционер во окупираната област Херсон. Видеото стана хит на социјалните мрежи.
Но, овојпат на удар е цела Источна Европа која, наводно ѝ припаѓа на Русија.
– Ги гледам Прага и Варшава, Будимпешта и Букурешт. Ова е руска земја, колку мои омилени места се тука! Каде и да одам со тенкот, тоа ќе биде мојата омилена земја! Ја гледам реката Амазон, гледам и крокодили! Тоа е руска земја, тоа е мојата татковина – вели возбудено Стремусов.
Видеото завршува со изјавата „Целиот свет ги сака Русите“, по што тој исчезнува под зелениот екран.
