Фудбалскиот свет беше во шок откако Лионел Меси минатата година ја напушти Барселона и потпиша за богатиот ПСЖ. Меси мислеше дека му треба промена во кариерата, но се чини дека жали што го напушти клубот во кој порасна. Славниот Аргентинец по завршувањето на оваа сезона би можел да се врати во Каталонија, а тоа го навести Жоан Лапорта.
Претседателот на Барселона беше запрашан дали би сакал Меси да се врати во Барселона.
„Да, секако дека би“, изјави Лапорта и воодушеви милиони навивачи на славниот каталонски клуб.
Меси запиша 33 натпревари за ПСЖ, постигна 11 голови и забележа 13 асистенции, а од друга страна за Барселона забележа 777 настапи и додаде 672 гола и 302 асистенции.
Славниот Аргентинец има договор со ПСЖ до летото 2023 година, па Барселона веројатно би морала да плати нешто за својот најдобар играч на сите времиња, но тоа сигурно нема да биде проблем за Каталонците, само им треба потврда од Меси дека сака да се врати на Камп Ноу Гол.хр.
„Вистината е една работа, направив се само за да останам, но и тоа што никогаш не ме прашаа дали ќе играм бесплатно. Ме замолија да се согласам за 50 отсто помала плата, на што без размислување се согласив. Бевме во позиција да му помогнеме на клубот. И сакавме да помогнеме. Никој не ме замоли да играм бесплатно, така што зборовите на претседателот се неточни. Ме боли затоа што мислам дека не требаше да го каже тоа. Сега луѓето се сомневаат во мене, а по сите овие години не го заслужувам тоа“, изјави Меси по заминувањето од Барселона.
„Матеу Алемани, Жорди Кројф и други работат на засилувања. Знам дека навивачите се возбудени, но операциите како оваа не се лесни за изведување. Дури и да ни е најдобрата финансиска состојба, има детали со кои не би се согласиле поради клубот. Нема да планираме скапи трансфери додека е во прашање иднината на клубот“, изјави неодамна Лапорта, но сигурно ќе попушти доколку Меси реши да дојде.
