Младата и талентирана соло пејачка Ивона Нацевска ќе одржи солистички концерт насловен „Рецитал на Ивона Нацевска – сопран и Анреј Наунов – уметнички соработник“ на 22 ноември 2022 година, со почеток во 20 часот, во фоајето на НУ Национална опера и балет.
Ивона Нацевска е дипломирана соло пејачка, родена во Тетово, работи во Националната опера и балет во Скопје. Таа се занимава и со фотографија, а животот го има посветено на музиката.
Иако има само 23 години зад неа има бројни награди, концерти и настани. Почнала како пијанистка, а веќе е изведувачка. Нејзината мотивација се големите оперски изведувачи.