Советот за човекови права на Обединетите нации во петокот гласаше за назначување специјален известувач за истрага на ситуацијата со човековите права во Русија.
За резолуцијата гласаа 17 земји, шест беа против, додека 24 земји беа воздржани.
„Овој чекор требаше да се случи одамна“, рече германската амбасадорка во ОН, Катарина Сташ. „Русија долго време ги гази човековите права дома. „Сега жртвите на кршење на човековите права, невладините организации и руската опозиција конечно можат повторно да имаат глас“, рече таа.
Повеќе од 25 западни земји ја претставија резолуцијата, изразувајќи загриженост поради произволните апсења, притисокот врз граѓанските групи, нефер судењата, ограничувањата на слободата на изразување и собирање, и заплашувањето на новинарите, адвокатите и опозициските групи. Тие ја повикаа Русија да ги гарантира основните човекови права.
Боливија, Кина, Еритреја, Казахстан, Куба и Венецуела гласаа против резолуцијата.
Русија не е членка на Советот, кој моментално го сочинуваат 47 земји назначени за тригодишен мандат од Генералното собрание на ОН.
