Славниот музичар Пол Макартни го привлече вниманието на светските медиуми откако на еден од своите концерти ја изведе песната „My Valentine“, додека во позадина беше видео од Џони Деп, пишува „Дејли мејл“.
Чудно е што ова темпирано видео доаѓа во време кога актерот е вклучен во жестока судска битка поради неговата тужба за клевета против својата поранешна сопруга Амбер Херд. Макартни го користи ова видео во своите настапи речиси цела деценија.
На видеото објавено на Инстаграм во вторникот се гледа како Мекартни ја изведува својата песна „My Valentine“ на настап во Сиетл додека прикажува видео од Деп како свири гитара.
Снимката од концертот ја објави Џил Ведер, филантроп и сопруга на музичарот Еди Ведер од групата Pearl Jam.
Инаку, пријателството меѓу Џони Деп и Пол Макартни трае со децении. Тие глумеа заедно во едно продолжение на „Pirates of the Caribbean“, а актерот се најде во спотот на музичарот за песната „My Valentine“ во 2012 година.
