Меган Фокс и нејзиниот свршеник Машин Ган Кели неодамна се појавија заедно за да ги доделат наградите „Daily Front Row“ во Лос Анџелес, а и двајцата беа ѕвезди на вечерта благодарение на ексцентричните, впечатливи комбинации. Меѓутоа, неодамна се појави и видео од овој настан, кое го привлече вниманието на нивниот однос кој очигледно не е во најдобар ред.
Имено, камерата сними прилично непријатен момент на музичарот и актерката, во кој тој се обидува да ја прегрне и бакне, додека таа се свртува, студена како камен и без најмала желба да му ја возврати нежноста.
И не само тоа, Меган ја врти главата за да не може да ја бакне и се оддалечува од него за да немаат физички контакт, а на нејзиното лице можат да се забележат десетици емоции, но ниту една позитивна!
Машин Ган Кели на крајот се откажа, но беше очигледно дека е многу изненаден, а разочарувањето и непријатноста се обиде да ги покрие со смеа. И покрај овие очигледни неволји во рајот, парот подоцна позирал заедно на црвениот тепих, а исто така се држеле за рака во текот на целата вечер.
Очекувано – коментарите за оваа сцена не престануваат да паѓаат на социјалните мрежи. „Ужасно срамна секунда“, „Морав да престанам да го гледам видеото пред крај, ми беше толку непријатно“, „Не можам да ја поднесам непријатноста што ја емитува ова видео“, „Оп, оп, толку многу љубов, кога тоа …„„Кога жената има ваков израз на лицето, знајте дека врската не оди во вистинска насока“, „Сега сум убеден дека оваа врска нема да трае“, се само некои од нив.
Да потсетиме, Меган и Машин се свршија во јануари во Порторико, а и двајцата често им даваат на медиумите многу силни изјави на љубов и екстатични описи на нивната врска.
„Некои од моите песни произлегоа од пораките што Меган ми ги испрати; тоа беше нешто како „Ако мора да живееме живот во кој треба да се гледаме со други луѓе, тогаш треба само да извршиме убиство/самоубиство“, рече неодамна пејачот.
