Улогата на мајка е една од најблагородните што може да ги има една жена, а со доаѓањето на бебето целосно ја менува нејзината личност. Иако со години важеше за нескротлива убавица која пленеше на музичката сцена, Ријана конечно ја покажа и својата друга, понежна страна.
Имено, оваа година во мај таа се породи во целосна тајност и донесе на свет момче. Меѓутоа, фотографиите и видеата од детето не беа објавувани во изминатите месеци, па јавноста нема увид како всушност сега изгледа момчето. Сепак, се чини дека решила да ги „почести“ своите обожаватели со вистинско уживање и да го покаже преслаткото бебе со кое се фотографирала како се гушка и си игра.
Во видеото Ријана трогателно му зборува на бебето, нарекувајќи го „дебелко“ и насмевнувајќи го детето. Иако многумина никогаш не ја виделе оваа страна на Ријана, корисниците на социјалните мрежи беа апсолутно трогнати и преплавени од емоциите кои видеото ги предизвика кај нив.
Меѓутоа, се чини дека многумина заклучија дека таа всушност си игра со својата внука, иако во објавата пишува дека тоа е нејзиното бебе. Како што заклучија, пејачката роди момче, а на снимката е девојче.
ФОТО: Инстаграм
