ПСЖ синоќа во 30. коло од француската Лига 1 го декласираше Лориен со 5:1, но Серхио Рамос нема по добро да ја памети таа вечер.
Заедно со Меси, Хакими, Донарума и Вајналдум, Рамос е еден од играчите кои пристигнаа во клубот ова лето за да им помогнат на Нејмар, Мбапе и неговиот тим да се искачат на покривот на Европа, но доживеа болно слетување со испаѓање во Реал Мадрид во осминафинале.
Трпението го загубија и навивачите. Претходно ги исвиркаа Нејмар и Меси, кој дефинитивно потфрли откако од Барселона се пресели во Париз, а сега на ред е Рамос.
Во моментот кога Рамос влезе на теренот навивачите почнаа да свиркаат.Така беше и при секој допир на Шпанецот со топката. Очигледно навивачите се револтирани поради тоа што поранешната ѕвезда на Реал Мадрид мораше да обезбеди квалитет во одбраната, а поради повреди речиси никогаш не е во тимот.
По натпреварот тренерот Маурисио Покетино застана во одбрана на Рамос.
„Сите сме погодени. Мислам дека тоа е фрустрација на навивачите од резултатот, не мислам дека тоа беше насочено против него. Тој е голем шампион, заслужува почит како и сите играчи на Пари Сен Жермен“, изјави аргентинскиот стручњак.
