Театарскиот и филмски актер Радко Полич – Рац почина на 80-годишна возраст, соопшти Здружението на драмски уметници.
Радко Полич е роден за време на Втората светска војна во Чрномље. Дипломирал на катедрата за драма и уметнички говор на АГРФТ во 1965 година.
Тој беше актер кој создаде повеќе од стотина театарски, над 50 филмски и десетици радио улоги.
Радко Полич-Рац остави неизбришлива трага на театарот во Словенија. Списокот на неговите улоги по кои ќе остане во сеќавање на публиката и слушателите е навистина долг, а многумина го паметат и по улогата на капетанот Дитрих во филмот „Балкан експрес“.
Рац беше и еден од најпочитуваните филмски актери и во Словенија, како и во земјите од поранешна Југославија.
ФОТО: Инстаграм
