Американската пејачка Бети Дејвис почина на 77-годишна возраст во својот дом во Пенсилванија. Смртта настапила природно, како што изјавила нејзината блиска пријателка Даниела Маџио.
„Со голема тага ве информирам за смртта на Бети Дејвис, мултиталентирана музичка ѕвезда и пионерка, пејачка, текстописец и модна икона“, изјавила во средата долгогодишната пријателка на Бети, Кони Портис.
„Најмногу од сè, Бети беше пријателка, тетка, внука и сакана членка на заедницата во Хоумстед, Пенсилванија, како и во заедницата на пријателите и обожавателите ширум светот. Дополнително ќе биде објавено времето кога ќе оддадеме почит на нејзината убава, храбра и дрска личност. Денеска го негуваме споменот на неа како слатка, внимателна и рефлексивна личност како што таа беше… Нема друга“.“
Славата ја стекна во периодот од 1964 и 1975 година и го доби прекарот „кралица на фанкот.
Таа издаде неколку албуми пред да се пензионира: „Betty Davis“ (1973), „They Say I’m Different“ (1974), „Nasty Gal“ (1975) и „Is It Love or Desire?“, албум објавен во 2009 година, но снимен во 1976 година.
