Пејачката Били Ајлиш на синоќешниот настап на фестивалот „Коачела“ паднала и ја повредила главата, но тоа не ја спречило да го заврши настапот до крајот од почит кон бројната публика која го исполнила концертниот простор до последното место.
Американскиот портал ТМЗ пишува дека во еден момент сцената била во целосен мрак, а очигледно тоа претставувало проблем на пејачката. Иако публиката не го виде моментот кога Били падна, на основа на нејзиното завивање, беше јасно дека нешто се случува.
– Луѓе, штотуку паднав. Силно паднав. Паднав директно на лице. Добро сум – изјавила видно возбудената пејачка.
За Били ова беше прво појавување во „Коачела“ во Колорадо. Ќе го памети, освен по падот и по тоа што ја угости својата колешка Хејли Вилијамс, со која ја отпеа „Misery Business“, хит на нејзината група „Paramore“.
