Папата ја започна проповедта изразувајќи ја својата радост што конечно може да дојде во таа земја и да биде меѓу народот на Конго, објави „Ватикан њуз“.
„За да не паднеме во замките на моќта и парите, поделеноста, кариеризмот, илузиите, задоволството, Господ ни кажува да споделуваме со сиромашните. Треба да имаме храброст да ги погледнеме сиромашните и да ги слушаме, бидејќи тие се членови на нашата заедница, а не странци да бидат избришани од очите и совеста. Да почнеме со сиромашните и ќе откриеме дека сите споделуваме внатрешна сиромаштија; дека на сите ни е потребен Божјиот Дух за да не ослободи од духот на светот; дека смирението е големината на христијанинот, а братството е неговото вистинско богатство“, додаде папата Фрањо.
Пред да ја заврши посетата на 3 февруари, се очекува папата да се сретне со жртвите на насилството во нестабилното источно Конго за да ги слушне нивните сведоштва.
