Кризата во Украина на ниту еден начин нема да биде пренесена во Босна и Херцеговина, доколку не ја пренесат оние, кои ја создадоа кризата и во поранешна Југославија во деведесеттите години, изјави претседателот на Советот на министри на БиХ, Зоран Тегелтија.
Коментирајќи ги неодамнешните изјави на британската министерка за надворешни работи, околу „малигното влијание на Русија“ и повикот Босна и Херцеговина да ја поддржи Украина, Тегелтија додаде оти, за него, постапките на шефицата на британската дипломатија не се никакво изненадување.
– Свртувањето на една страна, на една политика, на ниту еден начин нема да ѝ помогне на Босна и Херцеговина – истакна Тегелтија.
