Италијанскиот фудбалски првак Милан потпиша нов петгодишен договор со производителот на спортска опрема Пума, вреден 30 милиони евра по сезона.
Сумата што Милан ќе ја добие за рекламирање на Пума на своите дресови е двојно повисока од претходниот договор.
Милан настапува во дресови на Пума од 2018 година и за тоа производителот на спортска опрема му плаќаше на италијанскиот гигант по 14 милиони евра годишно.
Новиот договор треба да стапи на сила во јануари 2023 година и треба да има важност од пет години.
