Кардиоваскуларните болести се водечка причина за смртност во светот. Добрата вест е дека повеќето од нив може да се спречат со промена на исхраната и менување на начинот на живот.
Американското здружение за срце (АХА) препорачува само еден додаток за луѓето со коронарна срцева болест, најчестиот тип на срцева болест – омега-3 масни киселини.
Најчестиот тип на срцева болест е коронарна артериска болест, која може да доведе до срцев удар. Други видови на срцеви заболувања вклучуваат срцева слабост или вродени срцеви заболувања.
Коронарната артериска болест е најчеста и се смета дека во голема мера може да се спречи бидејќи е поврзана со изборот на животниот стил.
Како додатоците на омега-3 поддржуваат подобро здравје на срцето?
Омега-3 масните киселини се антиинфламаторни полинезаситени масти кои имаат својства кои го поддржуваат здравјето на срцето.
Постојат десетици илјади научни студии, вклучително и една спроведена од АХА, кои ги поддржуваат придобивките од омега-3 масните киселини за здравјето на срцето.
Трите главни омега-3 киселини се: алфа-линоленска киселина (ALA), еикозапентаенонска киселина (EPA) и докосахексаеноична киселина (DHA). EPA и DHA имаат најмногу здравствени придобивки.
Овие масни киселини се сметаат за „есенцијални масти“ бидејќи луѓето не можат да ги произведат во телото, па затоа треба да се внесуваат преку исхраната, пишува Eat This Not That.
Рибата е најдобар извор на ЕПА и ДХА омега-3, а има и растителни извори на АЛА, како што се јаткастите плодови, чиа семето и лененото семе.
