Шпанскиот тенисер Рафаел Надал е назначен за прв носител на Австралија опен, соопштија денеска во Мелбурн организаторите на првиот Грен слем турнир во сезоната.
Најдобриот српски тенисер Новак Ѓоковиќ, кој девет пати победи во Мелбурн, ќе биде четврти носител. Најдобриот светски тенисер, Шпанецот Карлос Алкараз поради повреда нема да игра на Австралија опен.
Норвежанецот Каспер Руд ќе биде втор носител, а Гркот Стефанос Циципас трет, додека српскиот тенисер Миомир Кечмановиќ е 27-ми носител. Во главниот ждреб ќе бидат Филип Крајиновиќ, Ласло Џере и Душан Лајовиќ.
Во женска конкуренција, првата носителка се најдобрата светска тенисерка, Полјакката Ига Швионтек и Унс Џабир од Тунис.
Ждрепката е закажана за четврток, а Австралија опен ќе се игра од 16 до 29 јануари. Титулата во машка конкуренција ја брани Надал. Минатата година титулата во женска конкуренција ја освои Ешли Барти, која два месеци подоцна се повлече од тенисот.
