Поранешниот селектор на македонската фудбалска репрезентација Игор Ангеловски-Мрме, кој ги однесе „црвено-жолтите“ на Европското првенство 2020, денеска им посака среќа на фудбалерите пред вечерашниот натпревар против Италија во полуфиналниот бараж натпревар за пласман на СП во Катар.
„Пред вечерашниот натпревар со Италија, која е четирикратен светски и актуелен европски шампион, сакам да ви посакам среќа за уште еден успех. Влогот е огромен и за Македонија и за Италија. Покажавте во Торино пред многу години дека го можете тоа. НАВИВАМЕ ЗА МАКЕДОНИЈА“, напиша Ангеловски на својот профил на Фејсбук.
