По шестгодишна пауза, „Металика“ ја објавија песната „Lux Aeterna“ и најавија нов албум.
Обожавателите на овој популарен бенд се воодушевени од нивното враќање на музичката сцена, особено што песната дојде неочекувано.
„Фактот што ја објавија песната ненајавено ја прави уште подобра“, напиша еден корисник на Јутјуб.
Албумот „72 Seasons“ ќе излезе на 14 април следната година и ќе има 12 песни. Го продуцираа Грег Фиделман, Џејмс Хетфилд и Ларс Улрих.
„Металика“ во април ќе тргне и на светска турнеја, која ќе трае до 2024 година. На концертите ќе бидат вклучени и бендовите „Грета Ван Флит“, „Пантера“ и Мамут ВВХ.
