Мароканските спасувачи доцна попладнето успеаја да го извлечат петгодишното момче кое пет дена беше заробено во бунар, но не преживеало, соопшти кралската палата.
Веднаш по извлекувањето тоа беше пренесено во болница, но не ја преживеало операцијата која му беше итно направена вечерва.
Рајан Аврам во вторникот падна во бунар длабок 32 метри во селото Игара во северната мароканска провинција Шефшауен, а спасувачите оттогаш се обидуваа да стигнат до него дење и ноќе.
Тоа беше деликатна спасувачка операција во која паралелно со бунарот беше ископана шахта, а потоа и хоризонтален тунел за да се стигне до момчето. Кралот Мохамед испрати сочувство до неговите родители Калед Орам и Васима Кершиш, објавија државните медиуми. Тој рече дека будно ја следел спасувачката акција и изразил благодарност до спасувачите за неуморните напори во целиот случај.
