Сагата за Кристијано Роналдо доби ново продолжение. Како што е познато, ЦР7 сака да ја смени средината и да го напушти Манчестер Јунајтед.
Неговиот менаџер Жорге Мендеш го понуди на Баерн и се споменуваа ПСЖ, Барселона, Челзи, Наполи и Рома, но никој не беше подготвен да потроши толку пари колку што ќе ја задоволи планетарната фудбалска ѕвезда.
И тоа е клучот за овој трансфер. А потоа во приказната се приклучи и клуб од Саудиска Арабија. Како што пренесува шпански АС, понудата е вредна 300 милиони евра, Манчестер Јунајтед би добил 30 милиони, посредниците 20, а Кристијано Роналдо преостанатите 250 милиони евра за двегодишна верност.
Така, трансферот на Роналдо би го надминал рекордот од 222 милиони евра кога Нејмар во 2017 година замина од Барселона во Пари Сен Жермен. AS наведува дека тешко дека Кристијано Роналдо ќе се одлучи за оваа авантура и дека поверојатно е тој да остане во Европа, пишува тпортал.
